ئه‌مڕۆ دووشه‌ممه‌ مەکتەبی سیاسیی یه‌كێتی به‌ سه‌رپه‌رشتی كۆسره‌ت ره‌سوڵ عه‌لی جێگری سكرتێری گشتیی یەكێتی کۆبووەوە، بەڵام بە بێ ھیچ دەرنجام و ڕاگەیاندراوێکی فەرمی کۆتایی ھات.

کۆبوونەوەکەی مەکتەبی سیاسیی یەکێتی تایبەت بووە بە تاوتوێکردنی دواهەمین کۆبوونەوەی شاندی باڵای پارتی و یەکێتی کە دوێنێ لە پیرمام کۆبوونەوە، بەڵام یەکێتی لەو کۆبوونەوەیەدا نەیتوانیوە ھیچ بڕیارێک بدات.


بەپێی زانیارییەکان، وا بڕیارە ھەفتەی داھاتوو پارتی و یەکێتی لەسەر ئاستی باڵا کۆببنەوە و بڕیاری یەکلاکەرەوە لەسەر پێکھێنانی کابینەی نوێی حکومەتی ھەرێمی کوردستان و پرسە سیاسییەکانی ھەرێمی کوردستان بدەن.

پێشتر سیروانی کوێخا نەجم ئەندامی سەرکردایەتی یەکێتی، لە چاوپێکەوتنێکی ھەفتەنامەی (باس)دا ڕایگەیاندبوو كە ڕێككه‌وتنێكى ئیدارى له‌سه‌ر پۆسته‌كان له‌گه‌ڵ پارتى ده‌كه‌ن، بۆ ئه‌وه‌ى بزانن یه‌كێتى چۆن و به‌ چ شێوه‌یه‌ك به‌شداری كابینه‌ى داهاتووى حكوومه‌تى هه‌رێم بكات، هه‌روه‌ها ڕێككه‌وتنه‌كه‌ى پێشوومان هاوشێوه‌ى ڕێككه‌وتنى ستراتیژییه‌، به‌ڵام ڕه‌نگه‌ ئه‌و ڕێككه‌وتنه‌ وه‌كو ڕێككه‌وتنى ستراتیژی خەسڵەتی درێژخایه‌نی نه‌بێت.











باسنیوز