رێڤەبەریا پولیسێن پارێزگەھا دھۆکێ دەستەسەرکرنا 7 کەسان ژبەر تەقێ یێن خوشی جەژنا نەورۆزێ دا راگەھاند د جەژنا نەورۆزێ دا دوو خێزان سەرا جھێ سەیرانی بشەرچووینە.

ھێمن سلێمان، بەرپرسێ راگەھاندنێ ل رێڤەبەریا پولیسێن پارێزگەھا دھۆکێ دپرێس کونفرانسەکێ دا ئەڤرۆ 24/3/2019 ل بارەگایی پولیسێان دیارکر: "ل قەزا شێخان دوو خێزان سەرا جھێ سەیرانێ ب شەرچووینە ڤان ھەردوو خێزانا ئێکدو بریندارکریە دووڤ بریارا دادوەری ل قەزا شێخان پولیسیان 5 کەس ژ ھەردوو خێزانا دەستەسەرکرینە ھەروەسا ژی ل جەژنا نەورۆزێ ھندەک کەسان تەقە کرن پولیسیان شێا 7 کەسان ژبەر تەقێ یێن خوشی دەستەسەربکەن ژوانا ژی شەش کەس ل چیایی زاوا سنۆرێ دھۆک ھاتنە گرتن و کەسەک ژی ل قەزا ئاکری ژبەر تەقێ ھاتیە دەستەسەرکرن دووڤ بریارا داوەری نھا دگرتی نە".

خۆیا ژی کر: "چوو تاوانیێن مەزن جەژنا نەورۆزێ دا ل پارێزگەھا دھۆکێ نەھاتینە ئەنجامدان ھەروەسا ژی چوو روودانیێن دلتەزین ژی نەھاتینە ئەنجامدان وھەموو ئەفسەر وپولیسێن دھۆکێ جەژنا نەورۆزێ دا ئامادەباشیی دابوون وپلانەکا باش ھاتبوو دانان بسەرکەڤتیانە پلان ھاتە بجە ئێنان".











باسنيوز