بڕیارە كاتژمێر (3)ی دوای نیوه‌ڕۆ سبەینی دووشەممە 25/3/2019 کونسولگەریی فەرەنسا لە هەولێر و دەزگای خێرخوازیی بارزانی یارییەكی دۆستانە لە نێوان تیپەكانی تۆپی پێی كەمپەكانی پەنابەران - ئاوارەكان - خەلكی خۆجێ لە سنووری پارێزگای هەولێر ڕێک بخەن.


بەپێی زانیارییەکان یەكەم خولی ئەو یارییە لە كەمپی "هەرشەم" لە نێوان تپی تۆپی پێی كەمپی هەرشەمی ئاوارە عێراقییەكان و كەمپی "باسرمە"ی پەنابەرانی سووریا بەڕێوە دەچێت.


یارییەكە بە ئامادەبوونی کونسولی فەرەنسا و شاندی یاوەری و سەرۆكی دەزگای خێرخوازیی بارزانی بەڕێوە دەچێت، هەروەها لە سەرەتادا پرێس كۆنفرانسێك لە یەكێك لە هۆلەكانی كەمپ ساز دەكرێت و وردەكاری و ئامادەكاری بۆ یاریی كۆتایی و میوانانی یاریی كۆتایی خولەكە دیاری دەكرێن كه‌ بڕیاره‌ یه‌كێك له‌ یاریزانه‌ به‌ناوبانگه‌كانی فه‌ره‌نسا ئاماده‌ی بێت.












باسنیوز