بەرپرسێ‌ پشكا راگەهاندنێ‌ ل رێڤەبەریا گشتی ساخلەمیا پارێزگەها دهۆكێ‌ دیار كر د سێ‌ رۆژێن جەژنا نەورۆزێ‌ دا 14504 كەسان سەرا دەزگەهیێن ساخلەمیێ‌ داینە ژوانا ژی 405 نەخۆش هاتینە نڤاندن.

حەمزە رەزیكی، بەرپرسێ‌ پشكا راگەهاندنێ‌ ل رێڤەبەریا گشتی ساخلەمیا پارێزگەها دهۆكێ‌ دیار كر: "د نەورۆزێ‌ دا 201 زارۆك ژدایكبووینە ژوانا ژی 119 كور و 82 كچ بووینە و 19 حالەتیێن ژ جهێن بلند كەڤتنی ژی هاتینە تۆماركرن و 81 حالەتیێن سوتنی ژوانا ژی پێنچ حالەتیێن سووتنی ل نەخۆشخانێ‌ هاتینە نڤاندن و پێنچ كەس ب یاریێن ئاگری برینداربووینە و دوو كەس ژی ب گولەیێن ئاگری برینداربووینە ومرن ژی ب رەنگەكی گشتی 20 كەس مرینە ژوانا ژی چار زارۆك و 16 كەس ژی ژ ئەگەری جەلتەیێن دلی ومێشكی ونەخۆشین دێ‌ جۆرە و جۆرە بووینە".

خۆیا ژی كر: "1593 كەسان ل جهێن گەشتیاری پەێوەندی ب تێمین ساخلەمیا دهۆكێ‌ كرینە وهاتینە چارەسەركرن و120 كەس ژوان ژی بۆ دەزگەهیێن ساخلەمیی هاتینە ڤەگوهاستن و 224 كەس ژی ل میحوەری ناوەران باشیك قەستا تێمین ساخلەمیی كرینە و تێمین زیرەڤانیا ساخلەمیی سێ‌ جه سزاداینە و32 رودانیێن ترۆمبێلان ژی ل ساخلەمیێ‌ هاتینە توماركرن د ئەنجامدا ژی 38 كەس برینداربووینە ودوو كەس مرینە ئەوژی زارۆك ل قەزا ئاكری و كەسەكی 55 سالیی ل ئامیدیی".














باسنیوز