بەپێی ئەو زانیاریانەی لە سەرچاوەیەکی وەزارەتی دارایی ، هیچ گۆڕانکارییەک لە خشتەی دابەشکردنی مووچە نەکراوە.

سەرچاوەیەک لە وەزارەتی دارایی گوتی: "ئەو دەنگۆیانەی باس لەوە دەکەن، بۆ مووچەی مانگی یەک وەزارەتی پێشمەرگە لە خشتەی مووچە یەکەم وەزارەت نەبێ، هیچ ڕاستیەکی بۆ نییە".


سەرچاوەکە جەختی کردەوە، بۆ مووچە مانگی یەک سەرەتا پێشمەرگە و دواتریش وەزارەتی پەروەردە و پاشان مووچەی شوێنەکانی تر دەدرێت.


سەرچاوەکەی دارایی ئاماژەی بەوەشدا، کاتی دابەشکردنی مووچەدیاری نەکراوە، بەڵام هەوڵ دەدرێت دوای نەورۆز ئامادەکارییەکان تەواوبکرێن.


لیوا بەکر، بەڕێوەبەری گشتی ژمێریاری وەزارەتی پێشمەرگە بە (باسنیوز)ی ڕاگەیاند: "هیج گۆڕانکارییەک لە خشتەی مووچە نەکراوە و یەکەم وەزارەت پێشمەرگە دەبێ".


ئاشکراشی کرد، لیستی مووچەی مانگی یەکی وەزارەتیان ئامادەیە و چاوەڕوانی فەرمانی وەزارەتی دارایی دەکەن، گوتی: "لیستی مووچەمان ئامادەکردووە و ئومێد هەیە زووتر مووچە وەربگرین".





باسنیوز