بەڕێوەبەری گومركی ڕاپەڕین ڕایگەیاند لە ڕۆژانی جەژنی نەورۆزی ئەمساڵدا ڕەوشی هاتوچۆ لە مەرزەكەیان ئاسایی دەبێت، هەروەها جیاواز لە ساڵانی رابردوو، داوا لە ئێران كراوە جگە لە سێ رۆژی یەكەم، لە ڕۆژانی دوایی هەناردەكردنی كاڵا و خۆراك ئاسایی بكرێتەوە.


جەوهەر ڕەسوڵ بەڕێوەبەری گومرگی ڕاپەڕین بە ڕاگەیاند لە میانی گفتوگۆیاندا لەگەڵ بەرپرسانی ئێران، ڕێككەوتوون كە ڕەوشی هاتوچۆ و گەشتیاری لە نێوان هەردوولادا لە ڕۆژانی نەورۆزدا ڕێگەپێدراو بێت و هاووڵاتیانی هەردوولا دەتوانن هاتوچۆ بە مەرزەكەدا بكەن.


گوتیشی لە ڕۆژانی نەورۆزدا هاوردەكردنی كاڵا و كەلوپەل و خۆراك لەسەر بڕیاری ئێران بە مەرزی كێلێ دەوەستێ.


هەروەها ڕوونی كردەوە ساڵانی پێشوو تا تەواوبوونی سێزدەبەدەری ئێرانیەكان كە لەگەڵ هاتنی نەورۆز دەستپێدەكات، هەناردەكردنی كاڵا و كەلوپەلیشیان بە مەرزەكاندا دەوەستاند، بۆیە ئەمساڵ داوامان داوەتە بەرپرسانی پەیوەندیداری ئێران كە جگە لە سێ‌ ڕۆژەكەی نەورۆز، لە ڕۆژانی دوایی هەناردەكردنی كاڵا و خۆراك دەست پێبكەنەوە، بۆ ئەو مەبەستە چاوەڕێی وەڵامی ئەوانین.
basnews -