هێزەکانی سووریای دیموکرات (هەسەدە) دەست بەسەر ناوچەیەکی رێکخراوی تیرۆریستی داعش لە نزیک گوندی باغۆز لە سنووری پارێزگای دێرەزوور لە باشووری رۆژهەڵاتی سووریادا دەگرێت.

ئەمڕۆ سێشەممە 19-3-2019، مستەفا بالی، گوتەبێژی هەسەدە رایگەیاندووە، شەڕڤانانی هەسەە توانیویانە دەست بەسەر تەواوی ناوچەیەکی باغۆزدا بگرن و تا ئێستاش شەڕ بەردەوامە.

مستەفا بالی هەروەها رایگەیاندووە، کە شەڕڤانەکانیان ئێستا سەرقاڵی گەڕان بەدوای پاشماوەکانی چەکدارانی داعشن لەناو ئەو کۆمەڵگەیەی لە نزیک باغۆز لەسەر سنووری نێوان عێراق و سووریا دەستیان بەسەردا گرتووە.

هەسەدە هێزێکی سەربازییە و بە پشتیوانیی ئەمریکا بۆ رزگارکردنەوەی ناوچە داگیرکراوەکانی رۆژئاوای کوردستان و سووریا لە رێکخراوی تیرۆریستی داعش، پێکهاتووە. یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) لە رۆژئاوی باڵی سەرەکیی ئەو هێزەیە.










باسنيوز