رێڤەبەریا پولیسێن پارێزگەها دهۆکێ پلانەک بۆ رۆژانێن نەورۆزێ دانایە، کۆ هەمى پولیس و ئەفسەر دێ کەڤنە دئامادەباشیێ دا و لسەر پێنچ کەرتان ئێنە بەلاڤکرن و ل ناڤ تاخان ژى هەبن و ئەفسەرێن نوبەدار دێ ل هەمى بنگەهێن پولیسان هەبن ژبۆ هەر روودانەکا بلەز و نەچاڤەرێکرى.

ل 21 ئادارێ، سەرسالا كوردى ل هەمى کوردستانێ خەلک سەیران و ئاهەنگا دگێڕن، ئەڤ سالە ژى ب هەمان رەنگ دێ سەیران و ئاهەنگ ئێنە گێڕان، ژبەر ڤێ ئێکێ رێڤەبەریا پولیسێن دهۆکێ پلانەکا تایبه‌ت بۆ رۆژانێن نەورۆزێ دانایه‌.

هێمن سلێمان، موقه‌ده‌مێ ماڤپەروەر و ب
ەرپرسێ پشکا راگەهاندنێ و پەیوەندیان ل رێڤەبەریا پولیسێن پارێزگەها دهۆکێ بۆ ماڵپەڕێ فەرمیێ پارتى دیموکراتى کوردستان گۆت:" ل رێڤەبەریا پولیسان پلانەک بۆ رۆژێن نەورۆزێ هاتیە دانان، کۆ هەمى پولیس و ئەفسەر دێ کەڤنە دئامادەباشیێ دا و لسەر پێنچ کەرتان ئێنە بەلاڤکرن و ل ناڤ تاخان ژى هەبن و ئەفسەرێن نۆبەدار دێ ل هەمى بنگەهێن پولیسان هەبن ژبۆ هەر روودانەکا بلەز و نەچاڤەرێکرى".

هێمن سلێمان خویاکر:" پشکا پولیسێن نەهێلانا گونەهباران ل جهێن بازرگانى ئێنە بەلاڤکرن و پولیسێن هەوارهاتنێ ل سەنتەرێ باژێرێ دهۆکێ دئامادە باشیێ دابن و ل ژۆرا کۆنترۆلى دخزمەتا هەولاتیاندا بن".

 بەرپرسێ پشکا راگەهاندنێ و پەیوەندیان ل رێڤەبەریا پولیسێن پارێزگەها دهۆکێ خویاکر:" پولیسێن چالاکیێن مەدەنى و تیمێن وان دێ ل جهێن سەیرانیان بن و زێدەبارى هندێ دێ 100 ئەفسەر ل بنگەهێ پولیسان دئامادە باشیێ دابن ژبۆ خزمەتا وه‌لاتیان، دیسان پولیسێن کەمپێن ئاوارن و نەخوشخانەیان و گرتیخانەیان دێ ل جهێن کارێ خۆ دبەرهەڤ بن، ئەڤ پلانە راستەخۆ ب سەرپەرشتیا رێڤەبەرێ پولیسان (لیوا تارق ئەحمەد) ینە "
kdp-