ل دهۆكێ هێمایهك ژبهر سهربرینا 50 كچێن ئێزدى یێن باغۆز هاتینه سهرژیكرن هاته دانان
ئاواز نێهلى، بهرپرسا راگههاندنێ ل رێڤهبهریا گشتیى یا رهوشهنبیرى و هۆنهرى ل پارێزگهها دهۆكێ دیاركر: "د چالاكیى دا رێزگرتن ل گیانى پاقژ یێن كچێن ئێزدى هاته گرتن ئهوین دهستى غهدرى ل باغۆز هاتینه سهرژیكرن وتاجه گولینهك ژ پێنچى گولا هاته ههلاویستن وهكو رێزگرتن ل روحیێن وان كچان دچالاكیى دا چهندین پهێڤ هاتنه پێشكیشكرن".
ئهیمهن عبداللە ئێكه ژ كچێن رزگاربووێن ئێزدى دیاركر: "ئهز ئێكهم ژكچێن ئێزدى یێن بازارێن توند رهو داعش دا كرین و فروتن ب مه وههزارها كچێن دى هاتیه كرن ئهم تاوانا باغۆز ریسوا وشهرمهزاردكهین و داخوازى ژ ههموو دهولهتیێن جیهانى دكهین كاربكهن بۆ رزگاركرنا رهڤاندیێان وئهو بێدهنگیا جڤاكێ نێڤدهولهتى ههلبژارتى جهێ شهرمهزاریه".
حسێن كۆرو قائیدى، بهرپرسى نڤییسنگهها رزگاركرنا رهڤاندیێن ئێزدى لدهۆكێ دیاركر: "پێدڤیه كار بهێته كرن بۆ ئێنانا تهرمێ ههموو كچێن ئێزدى یێن باغۆز سهرژیكرن دناڤ گۆرهستانیێن ئێزدیاندا تهرمیێن وان یێن پیرۆز بهێنه ڤهشارتن ل كارهساتا شنگال 6417 كهس هاتبوونه رهڤاندن ژوانا ژى 3548 كچ وژنن بوون و2869 زارۆك وزهلام بووینه ههتا نوكه پتر ژ 3370 كهسان ژ دهستێن تیرۆرستێن داعش رزگاربووینه ژوانا ژى هژمارهك ل باغۆز رزگاربووینه".
باسنيوز
