بڕیاردەری فراکسیۆنی پارتی لە پەرلەمانی کوردستان ڕای دەگەیەنێت، سەرۆکی فراکسیۆنەکانی ناو پەرلەمانی کوردستان ئێستا لە کۆبوونەوە دان بۆ دابەشکردنی سەرۆکایەتیی لێژنە هەمیشەییەکان.

بەهمەنی کاکە عەبدوڵا، بڕیاردەری فراکسیۆنی پارتی لە پەرلەمانی کوردستان ڕایگەیاند: "کاتژمێر ١١ی پێشنیوەڕۆ سەرۆکی فراکسیۆنەکان لەناو پەرلەمان کۆبوونەوە، ئامانج لە کۆبوونەوەکەش دابەشکردنی پۆستی سەرۆک و جێگر و بڕیاردەری لێژنە هەمیشەییەکانە".

ئەو پەرلەمانتارەی پارتی گوتیشی: "لە کۆبوونەوەی سەرۆک فراکسیۆنەکاندا نوێنەری یەکێتی بەشداریی کردووە".

کۆبوونەوەی پەرلەمانی کوردستان لە ١٨\٢\٢٠١٩ ئەنجام درا و تێیدا ڤاڵا فەرید وەک سەرۆکی کاتی پەرلەمانی کوردستان هەڵبژێردرا، هەورەها هێمن هەورامی وەک جێگری سەرۆکی پەرلەمان و مونا قەهوەچی وەک سکرتێری پەرلەمانی کوردستان دیاری کرا.










باسنیوز