گوتەبێژی بەڕێوەبەرایەتیی پۆلیسی گەرمیان دەستگیرکردنی سێ کسی بە تۆمەتی دزیکردن لە شارەدێی ڕزگاریی سەر بە قەزای کەلار ڕاگەیاند.

ڕائیدی مافپەروەر عەلی جەمال قدووری، گوتەبێژی بەڕێوەبەرایەتیی پۆلیسی گەرمیان ڕايگەیاند: "دوای سکاڵای چەن هاووڵاتییەک و ئاگادارکردنەوەی پۆلیس لە چەند حاڵەتێکی دزیکردن لە شارەدێی ڕزگاریی سەر بە قەزای کەلار دوای لێکۆڵینەوە و بەدواداچوون، پۆلیسی شارەدێی ڕزگاری ۳ کەسی بەتۆمەتی دزیکردن دەستگیر کرد".

گوتیشی: "پاش لێکۆڵینەوە لەگەڵیاندا دانیان بە چەند حاڵەتێکی دزیکردندا ناوە، لەوانە دزینی ماتۆڕسکیل و مۆبایل و مۆلیدە و پەلەوەر و چەندین کەرەستەی دیکە کە پێکەوە لە شارەدێی ڕزگاری دزیویانن".

ئاماژەی بەوەش دا "ئێستا بە بڕیاری دادوەر و بەپێی مادەی 443 بەند کراون و لێکۆڵینەوە لەگەڵیان بەردەوامە".










باسنيوز