ئەمڕۆ ئەنجوومەنی سەرکردایەتی پارتی دیموكراتی كوردستان کۆدەبێتەوە و ھەنگاوەكانی پێكھێنانی كابینەی نوێی حكوومەت و چەند پرسێكی دیكە تاوتوێ دەكات.

بە گوێره‌ی زانیارییەکانی کوردستان24، ئەمڕۆ ئەنجوومەنی سەرکردایەتی پارتی دیموکراتی کوردستان بۆ تاوتوێکرندی رەوشی سیاسی و دوایین پێشهاتەکان و هەنگاوەکانی پیکهێنانی کابینەی نوێی حكوومه‌تی هه‌رێمی كوردستان و رەوشی دانووستاندنەکان لەگەڵ لایەنەکان و رێککەوتنی سیاسی پارتی لەگەڵ هەریەک لە یەکێتی و گۆران کۆدەبێتەوە.

پێشبینی دەکرێت لەو کۆبوونەوەیە ئەنجوومەنی سەرکردایەتی پارتی دوای گفتوگۆ بڕیار لەسەر چەند پرسێکی تایبەت بەو بابەتانە بدات.

كۆبوونه‌وه‌ی سه‌ركردایه‌تی پارتی له‌ كاتێكدایه‌، هه‌فته‌ی رابردوو، پارتی و یه‌كێتی رێككه‌وتنێكی سیاسیان واژۆكرد، و پێشتریش له‌ 18/2/2019، پارتی و گۆڕان رێككه‌وتنێكیان واژۆكرد.






K24