جڤاتا شنگال: داعش رەڤاندیێن ئێزدی وەك قەلغانا مرۆڤی بكار دئینت
وەیس نایف، سەرۆكێ جڤاتا قەزا شنگال دیار كر: "ئەم بانگەوازیا خوە دگەهینە هەموو دەولەتان و هێزێن هەڤپەیمانان بۆ پاراستنا ژیانا رەڤاندیێن ئێزدی یێن دناڤ باغۆزی دا. هەتا نۆكە هژمارەكا زۆر یا رەڤاندییان دناڤ باغۆز دا ماینە ژلایێ رێكخراوا تێرۆرستێن داعش ڤە وەكو قالغانا مرۆڤی دهێنە بكارئینان. ئەم هێڤیدارن ئۆپەراسیۆنێن تایبەت بهێنە ئەنجامدان بۆ رزگاركرنا ژیانا هەموو رەڤاندییان چونكو راستی ژی مەترسیەكا گەلەك مەزن لسەر ژیانا رەڤاندییان دناڤ باغۆز دا هەیە. ئەم هێڤیدارن باشتر كار بهێتە كرن بۆ پاراستنا ژیانا زارۆك وژنێن رەڤاندی".
خویا ژی كر: "لێژنا رزگاركرنێ بتایبەتی ژی نڤیسینگەها رزگاركرنا رەڤاندییان ل دهۆكێ د هەولێن بەردەوام دایە بۆ رزگاركرنا هەموو رەڤاندییان بتایبەتی ژی ل باغۆز. ئەم دەنگێ خوە بلنددكەین هەموو دەولەت بۆ رزگاركرنا رەڤاندییان هەڤكاری بكەن".
باسنيوز
