بەڕێوەبەرایەتیی شاردەێی حاجی ئۆمەران، ئاشكرای کردووە بڕیارە هەینیی داهاتوو فێستیڤاڵی خلیسکانێی سەر بەفر لە شارەدێی حاجی ئۆمەران، لە سنووری شارۆچكەی چۆمان ئەنجام بدرێت.

بەپێی نووسراوێكی بەڕێوەبەرایەتیی شاردەێی حاجی ئۆمەران، كە واژۆی فەرزنگ ئەحمەد، بەڕێوەبەری شاردێی حاجی ئۆمەرانی بەسەرەوەیە، ئاراستەی كەناڵەكانی راگەیاندن كراوە و ئەوە خراوەتە ڕوو، داواكارین بەمەبەستی رۆماڵكردنی فێستیڤاڵی سەر بەفر لە حاجی ئۆمەران لە سنووری ناحیەكەمان ئامادە بون، كە رۆژی هەینی 8/3/2019 ئەنجام دەدرێت.

بەپێی هەڵكەوتەی شوێنەكە ساڵانە بەفرێكی زۆر لە سنووری حاجی ئۆمەران لە دەڤەری باڵەكایەتی دەبارێت، بەمەش چەندین چالاكیی جۆراوجۆر و خەلیسكانێی سەر بەفر ئەنجام دەدرێت و خەڵكێكی زۆر ڕووی تێدەكەن.









باسنيوز