رزگاربوویەكی‌ كو ژدەستێن تیرۆرستێن داعش ل باغۆز ھاتیە رزگاركرن، دیار كر: "تیرۆرستێن داعش ئەم دناڤ خانیان كرن نەدهێلان ئەم دەركەڤن. دەمێ‌ ئەم رەڤین ژی هەكا زانیبان ئەم ئێزدی نە رێك نەددان ئەم برەڤن".

رزگاربوویێ ب ناڤێ )ف ، ب ، خ) دژیی 15 سالیی دایە، بەری چەند رۆژان ژ دەستێن تیرۆرستێن ل باغۆز ل سوریا رزگاربوویە،دیاركر:" دەمێ‌ تیرۆرستێن داعش ئەم برینە باغۆز ئەم هێلاینە دناڤ خانیەكێ‌ دا وهەموو رێك ل بەر من و دایك وخوشكا من گرتن. پشتی شەری باغۆز دژوار بووی مە شیا دناڤ خەلكێ‌ دا برەڤن. لێ‌ ئەو خەلكێ‌ ژ باغۆز درەڤین هەكا زانیبان ئەم ئێزدی نە ، نەدهێلان ئەم رزگاربن، دێ ئەم گرتباینە ڤە وداباینە دەستێ تیرۆرستێن داعش. لێ‌ مە خوە دناڤ وان خێزانێن كر یێن ژ باغۆز درەڤن هەتا مە شیا خوە رزگاربكەین".

خویا ژی كر: "تیرۆرستێن داعش ئەم دناڤ بارەگایێ خوە دا فێری هەموو تشتەكێ‌ خراب دكرن. بۆ دەمێن درێژ برینە سەربازرگەهێن مەشق و راهێنانێ وچەك وتەقەمەنی نیشا مەدان. هەموو جۆرێن ئەشكەنجەدانێ ژی ب گرتیێن ئێزدی كرن".








باسنیوز