ئێك ژ رێكخه‌رێن خرڤه‌بوونا ئاوارێن شنگال ل كه‌مپا شاریا دیاركر هژماره‌كا ژ زارۆك و كچێن ئێزدیان ل شاریا خرڤه‌بوونه‌كا ئاشتیانه‌ ئه‌نجامدان و تێدا داخوازكرن چاره‌نڤیسى هه‌موو ره‌ڤاندیێن ئێزدى بهێته‌ ئاشكراكرن.

شێخ پاشا مه‌حمود ئێك ژ رێكخه‌رێن خرڤه‌بوونا ئاوارێن شنگال ل كه‌مپا شاریا دیار كر "ئه‌ڤرۆ 1/3/2019 ل كه‌مپا شاریا یا ئاواریان خرڤه‌بوونه‌ك هاته‌ ئه‌نجامدان و داخواز هاته‌ كرن هه‌موو سازیێن ماڤى مرۆڤى و جیهانێ كار بكه‌ن بۆ ئاشكراكرنا چاره‌نڤیسى هه‌موو ره‌ڤاندیێن ئێزدى، ئه‌ڤه‌ پتر ژ چار سال بسه‌ر جینوسایدا شنگال ڤه‌ چوون، هه‌تا نوكه‌ حكومه‌تا عێراقى وه‌كو پێدڤیى تشته‌ك بۆ ئێزدیان نه‌كریه‌ هه‌تا نوكه‌ ژى كاره‌ساتا شنگال یا به‌رده‌وامه‌ و رۆژانا زارۆك وكچێن ئێزدى دهێنه‌ ئه‌شكه‌نجه‌دان بن ده‌ستێ تیرۆرستێن داعشێدا".

خۆیا ژى كر "ب ریێا ڤێ خرڤه‌بوونێ مه‌ خواست ده‌نگێ مه‌ بگه‌هته‌ هه‌موو سازیێن ماڤى مرۆڤى دئاخڤن فشارى لسه‌ر به‌غدا دروست بكه‌ن بۆ پشته‌ڤانیكرنا لیقه‌ومایێن شنگال راستى ژى هه‌تا نوكه‌ به‌غدا دووڤ داخوازى و ده‌نگى خه‌لكێ شنگال نه‌هاتیه‌".











باسنيوز