ئەندامەکی ئیتلافا نشتیمانی یا ئۆپۆزسیۆنا سوریا ددەتە دیارکرن، نەمانا داعشێ ل سوریا نابیتە ڕامان وێ یەکێ کو دێ سوریایەکا ئارام هێتە هەبوونێ.

چو نەمایە داعش ب دوماهێک بیت، و چاڤدیڕێن سیاسی دبینن کو ڕەوشا سوریا ئالۆزتر بوویە، وچەندین هزرێن نوو ژبۆ رەوشا سوریا هاتینە پێش، ئەڤێ یەکێ ژی ناکۆکی ئێخستینە دناڤبەرا وەڵاتێن زلهێز دا ل وی وەڵاتی.

دڤی بیاڤی ژی دا، عەبدووڵا گەدۆ، د داخویانیەکا تایبەتدا بۆ ماڵپەری فەرمیی یێ پارتی دیموکراتی کوردستان گۆت:'' کریزا سوریا نە ل هاتنا داعشێ دەستپێکریە، و نە ل نەمانا داعشێ ژی دێ ب دوماهێک ئێت، چونکی نها سوریا بوویە گۆرەپانەکا سیاسی، و دەستێن دەرەکی دناڤ ئاخا سوریا دا بهێزتربووینە.

ناڤهاتی خویا ژی کر، نها بزاڤ دبەردەوامن بۆ چارەسەریەکا سیاسی و ڕیڤەبەریەکا هەڤبەش بۆ رۆژئاڤایی کوردستانێ و هەموو جیهانێ پێ باشە کو پێدڤیە کوردان رۆلەکا سەرەکی د وی وەڵاتی دا هەبیت.

ئەڤی ئەندامێ ئیتلافا نشتیمانی ئەو یەکە ژی گۆت: کو ئەم وەک ئەنەکەسە دناڤا ئیتلافێ دا ل گەل چەندین سەرکردەیێن جیهانێ یێن کو پێویست ب رەوشا سوریا دا کۆمبووینە و پشتەڤانیا ئەنەکەسێ و پێشمەرگەیێ رۆژ دکەن بۆ پشکداریکرن دئیدارەیا رۆژئاڤایێ کوردستانێ دا، چونکی هێزا مە دەستەکی پاقژ هەیە و ل دژی تیرۆرێ شەڕکرینە.
kdp-