ژنەك وسی زارۆكێن ئێزدی ژبن دەستی داعش رزگاربوون
حسێن كۆرۆ قائیدی رێڤەبەرێ نڤێسینگەها رزگاركرنا رەڤاندییان یا ب سەر نڤێسینگەها سەرۆكێ حكومەتا هەرێما كوردستانێ ڤە دیاركر:" ئەڤ خێزانا ئێزدی ژی ل جینوسایدا شنگال 3/8/2014 هاتبوو گرتن ورەڤاندن ئەڤرۆكە ژنوو ژبن دەستی تیرۆرستان رزگاربوون هەر ژ دەستپێكا جینوسایدا شنگال تا نها بەردەوام دەنگێ خوە د گەهینینە جیهانێ كو چەرخێ بیست و ئێكێ یە و مرۆڤ د ڤی چەرخی دا ب كۆم هاتنە بن ئاخكرن، هاتنە شەواتاندن، كڕین و فرۆتن وەكی بەری هزاران سالان پێ هاتەكرن، كۆلاتی و ئۆل گوهۆڕین ب چاڤ هاتنە دیتن، لەو د خوازین زێدەتر گرنگی ب رزگاربوویان بهێتە دان و هەموو جیهان ب چاڤێ قوربانی تەماشەی وان رزگاربوویان بكەت".
خۆیا ژی كر:" هەولێن مە دبەردەوامن بۆ رزگاركرنا هەموو رەڤاندیێان ئەڤ سالا هەتا 45 رزگاربووی یێن هاتینە رزگاركرن ژمارا گشتی یا رزگاربوویان گەهشتنە 3359 كەسان ژ هەردوو رەگەزان وپرۆسیەیا رزگاركرنی یا بەردەوامە".
باسنيوز
