گه‌نجه‌كێ شێلادزێ پرۆژه‌كێ كاره‌بێ ل هاڤینگه‌ها ئاڤا مارك یا سه‌ر ب ده‌ڤه‌را رێكان دروستكر و شیا سه‌ركه‌فتنێ بینیت و 15 بۆ 20 ئه‌مپێرێن كاره‌بێ بو ده‌ما 24 ده‌مژمێران بو هاڤینگه‌ها ناڤبرى دابین بكه‌ت.

زیاد محه‌مه‌د رێكانى، خودانێ پرۆژه‌ى دیار كر، ئه‌ڤه‌ ماوه‌یه‌ك بوو ئه‌و مژوولى چێكرنا پرۆژه‌یه‌كێ به‌رهه‌مئینانا كاره‌بێ ل هاڤینگه‌ها ئاڤا مارك و من پرۆژه‌یێ خوه‌ ب دووماهى ئینا و ئه‌نجامێ وێ ده‌رچوو و ئه‌ز شیام 15 بۆ 20 ئه‌مپێرێن كاره‌بێ به‌رهه‌مبینم و ئه‌گه‌ر پرۆژه‌ هاتبایه‌ به‌رفره‌هكرن ره‌نگه‌ هه‌تا 500 ئه‌مپێرێن كاره‌بێ ب رێیا وى پرۆژه‌ى به‌رهه‌م بینم.

ئاشكرا ژى كر كو وى نێزیكى 2500 دۆلاران ل ڤى پرۆژه‌ى مه‌زاختن، به‌لێ ب مخابنیڤه‌ پشتى پرۆژه‌ى ب دووماهى هاتى، جاره‌كا دن ژ بنى من خرابكره‌ ڤه‌، ئه‌گه‌ر ژى دزڤریت كو ده‌ڤه‌ر نه‌یا ئارامه‌ ژ به‌ر بوردومانا فروكه‌ و توپخانه‌یێن سوپایێ توركیا.

خویاژى كر كو رێ ب من نه‌هاته‌ دان به‌رده‌وامیێ ب پرۆژه‌یێ خوه‌ بده‌م، چونكو من مۆله‌تا كاركرنێ نه‌بوویه‌ و ئه‌گه‌ر پشته‌ڤانیا من بهێته‌ كرن، دێ پرۆژه‌یه‌كێ مه‌زن یێ به‌رهه‌مئینانا كاره‌بێ ل سه‌ر رووبار و ئاڤا دانم.









باسنيوز