بەرپرسێكی حزبی ڕای دەگەیەنێت كە جموجۆڵی تیرۆریستانی داعش لە سنووری شارۆچكەی مەخموور زیادی كردووە.

ئەمڕۆ پێنجشەممە 21/2/2019، عەبدوڵا تاهیر، بەرپرسی ناوچەی مەخموری پارتی ڕايگەیاند: "ماوەیەكە جموجۆڵی تیرۆریستانی داعش لە سنووری مەخمور زیادیان كردووە و لە هەندێك ناوچە تیرۆریستانی داعش دەبینرێن.

گوتیشی، لە سنووری گوندی (عەلی‌ڕەش)ی سەر بە قەزای مەخموور جموجۆڵی داعش دەستی پێکردووەتەە هەبووە و هێزە عێراقییەكان تەقەیان لەو تیرۆریستانە كردووە.

ماوەیەكە لە ناوچە داگیركراوە كوردستانییەكان بە شێوەیەكی گشتی جموجۆڵی تیرۆریستانی داعش زیادی كردووە و هێزە عێراقییەكانیش لە توانیاندا نییە ناوچەكە لەو تیرۆریستانە پاك بكەنەوە.












باسنيوز