حكومه‌تا عیراقێ‌ژ سالا 2014 وه‌ره‌ و هه‌تا نهۆ نیڤا پارێ جۆتیارێن شنگالێ‌نه‌ مه‌زاختیه‌ و ب تنێ‌نیڤ یا به‌لاڤكری، جۆتیار ژی ژ جهێن شۆله‌ژێ‌ دخوازن كێشا وان چاره‌سه‌ر بكن و پارێ وان بهێته‌ خه‌رجكرن.



غازی ئه‌لیاس، رێڤه‌به‌رێ‌ سایلۆیا شنگال، ئاشكه‌را كر، حكومه‌تا عیراقێ‌ نیڤا پارێ جۆتیارێن شنگالێ‌یێ ‌سالا 2014 دابه‌شكریه‌ و هێشتا نیڤا دی مایه‌، نێزیكی 100 جۆتیاران كه‌فتینه‌ ده‌ستێ‌ داعش و چاره‌نڤیسێ‌ وان دیار نینه‌ و ژ ڤی دراڤی هاتی به‌لاڤكرن بێ‌به‌هربوون و هه‌تا نهۆ خودانێن وان ل به‌ندا حكومه‌تێ‌ نه‌ كو مافێ‌ وان بده‌نێ‌، لێ‌ئه‌و پشتگۆه هاڤێتینه‌ و رێڤه‌به‌ریا سایلۆیێ ‌ژی به‌رده‌وام هه‌ول دده‌ت وی دراڤی بده‌ستخۆڤه‌ بینت، لێ‌ئه‌و بانكا ل پارێزگه‌ها كه‌ركوكێ‌ دراڤێ‌ وان گرتیێن ده‌ستێ‌ داعشێ‌ ناده‌ت و كه‌س و كارێن وان داخوازێ ‌ژ جهێن شۆله‌ژێ‌ دكه‌ن ڤێ ‌كێشێ ‌چاره‌سه‌ر بكه‌ن.



مه‌حفوز عیسا كورێ، ‌جۆتیاره‌كی شنگالێ‌یه‌ گۆت: ”هه‌ر ژ رۆژا (3/8/2014)ێ‌بابێ‌من یێ‌ئێخسیره‌ ل ده‌ستێ‌ داعشێ‌دا و هه‌تا نهۆ ئه‌م تشته‌كی ژ چاره‌نڤیسێ‌ وان نزانین، به‌ری هاتنا داعش جۆتیار بوو، هه‌ڤالێن وی یێن كارێ‌جۆتیاریێ‌ دكرن دراڤێ‌خۆ یێ‌ (2014)ێ‌وه‌رگرتن، لێ‌مه‌ گه‌له‌ك هه‌ول دان ئه‌م دراڤێ‌وی ژی وه‌ربگرین و مه‌ وه‌رنه‌گرت و مه‌ سه‌ره‌دانا پارێزگه‌هێن مووسل و كه‌ركووكێ‌ كر لێ‌گه‌له‌ك به‌هانه‌ ده‌رێخستن و گۆتن به‌غدا بریار نه‌دایه‌ ئه‌م دراڤێ‌وان جۆتیارێن ل ده‌ستێ‌ داعشێ‌دا دابه‌ش بكه‌ین“.
bas news-