لە شاری دهۆک، گەنجێک بڕێکی زۆر پارە و زێڕی لە ناو جانتایەک دۆزییەوە و ڕادەستی خاوەنەکەی کردەوە.



بەڕێوەبەرایەتی پۆلیسی دهۆک، لە پەیجی فەرمی خۆیان لە تۆڕی کۆمەڵایەتی (فەیسبوک) بڵاوی کردەوە، گەنجێک دوای ئەوەی بڕێکی زۆر لە پارە و زێڕی لە ناو جانتایەک دۆزیوەتەوە و پەیوەندی بە پۆلیسەوە کردووە و ئامادەیی خۆی نیشانداوە بۆ ئەوەی ڕادەستی خاوەنەکەی بکاتەوە.



پۆلیسی دهۆک ڕوونیشی کردووەتەوە، کە جانتایەکە بڕی هەزار و 900 دۆلاری ئەمریکی و یەک ملیۆن و سێ سەد هەزار دیناری عێراقی و 17 پارچە زێڕ و چەند بەڵگەنامەیەکی تایبەت بە خاوەنەکەی تێدابووە.



جەختیشکراوەتەوە، دوای بەدواداچوون توانرا خاوەنەکەی بدۆزرێتەوە و جانتاکەی بۆ ڕادەست بکرێتەوە.

bas news-