هێزەکانی پۆلیسی سلێمانی دەیان کەس بە تۆمەتی قومارکردن، لە چەند گازینۆیەک دەستگیر دەکەن.



سەرکەوت ئەحمەد، گوتەبێژی پۆلیسی سلێمانی رایگەیاند، پۆلیس چاودێریی مارەیەک گازینۆ و کافتریای شاری سلێمانی کردووە و بۆی دەرکەوتووە لە بەشێکیاندا، قومار دەکرێت.


سەرکەوت ئەحمەد هەروەها رایگەیاند، دوای وەرگرتنی رەزامەندیی دادوەری لێکۆڵینەوە، لە هەڵمەتێکدا، پۆلیسی نەهێشتنی تاوان و پۆلیسی سەرای سلێمانی 60 کەسیان بە تۆمەتی قومارکردن، دەستگیر کرد.


گوتەبێژی پۆلیسی سلێمانی ئاماژەی بەوەش کرد، ئەو کەسانە بەپێی ماددەی 389ـی یاسای سزادانی عێراقی و بە فەرمانی دادوەر دەستگیر کراون.










باسنیوز