سەرۆک بارزانی، پیرۆزباییەکی ئاراستەی محەمەدی حاجی مەحموود، سکرتێری حزبی سۆسیالیست دیموکراتی کوردستان کرد، بەبۆنەی ساڵیادی دامەزراندنی حزبەکەیەوە.

ئەمڕۆ چوارشەممە 8\8\2018، سەرۆک بارزانی، لە پەیامێکی ، بۆ محەمەدی حاجی مەحموود، سکرتێری حزبی سۆسیالیست دیموکراتی کوردستان، پیرۆزبایی ساڵڕۆژی دامەزراندنی حزبەکەی لێ کرد و رای گەیاند: ”بەبۆنەی 42هەمین ساڵیادی دامەزراندنی حزبە تێكۆشەرەكەتانەوە گەرمترین‌ و جوانترین پیرۆزبایتان ئاراستە دەکەم، لە رێگەی ئێوەی بەڕێزیشەوە سڵاو و پیرۆزبایی بۆ سەرجەم ئەندام ‌و لایەنگرانی حزبە تێكۆشەرەكەتان دەنێرم“.

سەرۆک بارزانی، لەو پەیامەکەیدا، ئەوەشی خستووەتەڕوو، کە حزبی سۆسیالیستی دیموكراتی كوردستان لە ڕۆژی دامەزراندنییەوە تا ئەمڕۆ، ڕۆڵێکی گرینگ و کاریگەری لە خەباتی ڕزگاریخوازی گەلەکەماندا گێڕاوە، بەشێکی گرینگی بزاڤی کواردایەتییە و لەو پێناوەدا ژمارەیەکی زۆر شەهیدی پێشکەش بە خاک و گەلی کوردستان کردووە.


دەقی پەیامەکەی سەرۆک بارزانی:


برای بەڕێزمان كاك محەمەد حاجی مەحموود

بەڕێز مەكتەبی سیاسیی حزبی سۆسیالیست دیموكراتی كوردستان

بەبۆنەی 42هەمین ساڵیادی دامەزراندنی حزبە تێكۆشەرەكەتانەوە، گەرمترین‌ و جوانترین پیرۆزبایتان ئاراستە دەکەم، لە رێگەی ئێوەی بەڕێزیشەوە سڵاو و پیرۆزبایی بۆ سەرجەم ئەندام ‌و لایەنگرانی حزبە تێكۆشەرەكەتان دەنێرم.

حزبی سۆسیالیست دیموكراتی كوردستان لە ڕۆژی دامەزراندنییەوە تا ئەمڕۆ، ڕۆڵێکی گرنگ و کاریگەری لە خەباتی ڕزگاریخوازی گەلەکەماندا گێڕاوە و بەشێکی گرینگی بزاڤی کواردایەتییە و لەو پێناوەدا ژمارەیەکی زۆر شەهیدی پێشکەش بە خاک و گەلی کوردستان کردووە، ڕۆڵی جوامێرانە و ئازایانەی بەڕێز سکرتێری حزب و سەرکردایەتی و پێشمەرگەکانی سۆسیالیست لە شەڕی تێکشکاندنی ئەفسانەی داعشدا، وێنەیەکی ڕوونی دڵسۆزی و نیشتیمانپەروەریی ئێوەیە و هەرگیز لەبیر ناکرێت.

یادی دامەزراندنی حزبەكە تێکۆشەرەکەتان پیرۆز بێت و هیوادارم كاروانی خەباتی ئایندەتان، شانبەشانی سەرجەم هێزە رزگاریخوازەكانی گەلی كوردستان بەردەوام بێت و سەرکەتوو بن.



لەگەڵ ڕێزمدا



مەسعود بارزانی

8\8\2018












باسنیوز