وەزارەتی دارایی و ئابووریی جکوومەتی ھەرێمی کوردستان، سبەی و ھەفتەی داھاتوو لە دابەشکردنی مووچە بەردەوام دەبێت.

بەپێی زانیارییەکانی (باسنیوز)، کە لە سەرچاوەیەکی نێو دیوانی وەزارەتی داراییەوە بە دەستی گەیشتووە، سبەی پێنجشەممە 9/8/2018، مووچەی مانگی 5ی وەزارەتی دارایی دابەش دەکرێت.

سەرچاوەکەی وەزارەتی دارایی ئەوەشی بۆ (باسنیوز) خستووەتە ڕوو، کە ھەفتەی داھاتوو فەرمانبەرانی ئەم شوێنانەی خوارەوە، مووچە وەردەگرن:

1- یەکشەممە 12/8/2018 - شەھیدان، ئەنفال، زیندانیانی سیاسی، وەزارەتی شەھیدان و وەزارەتی خوێندنی باڵا.

2- دووشەممە 13/8/2018 - ئەنجومەنی دادوەری، وەزارەتی داد، وەزارەتی ئەوقاف و وەزارەتی سامانە سروشتییەکان.

3- سێشەممە 14/8/2018 - وەزارەتی کاروباری کۆمەڵایەتی، کەمئەندامان مانگی (7ی 2017).

4- چوارشەممە 15/8/2018 - ئەنجومەنی ئاسایش.

ھەر بەپێی سەرچاوەکەی نێو دیوانی وەزارەتی دارایی، لەمەودا خشتەی مووچە، بە فەرمی لەلایەن وەزارەتی داراییەوە ڕاناگەیەندرێت و ھەر 30 ڕۆژ جارێک مووچە دابەش دەکرێت.

ڕوونیشی کردەوە، کە ھەر وەزارەتێک ئەم مانگە لە چ ڕۆژێک مووچەی وەرگرتووە، لە مانگی داھاتوو لە ھەمان ڕۆژ مووچە وەردەگرێت.




باسنیوز