سەرۆک بارزانی لە وتارێکدا روونکردنەوە لەسەر 48 ملیار دۆلارەکە دەدات.



رۆژی سێشەممە 7/8/2018، سەرۆک مەسعود بارزانی وتارێکی لە کۆنگرەی هەشتەمی (کۆنگرەی پێشمەرگە) یەکێتیی لاوانی دیموکراتی کوردستان پێشکەش کرد و هیوای سەرکەوتنی کۆنگرەکەی خواست.



سەرۆک بارزانی لە کۆتایی وتارەکەیدا، رەتی کردەوە خاوەنی 48 ملیار دۆلار بێ و رایگەیاند، کە بەداخەوە ئەو دەنگۆیە ”راست نییە، ئەگینا زۆر شت دەگۆڕا“.



پێشتر رۆژنامەی (ئەلوەتەن)ی سعودی لە راپۆرتێکدا موڵک و سامانی ژمارەیەک سەرکردەی عێراقی بڵاو کردبووەوە و ناوی سەرۆک بارزانیش کەوتبووە ناو راپۆرتەکە، بەڵام دواتر رۆژنامەکە بە فەرمی داوای لێبووردنی لە ”بەڕێز مەسعود بارزانی“ کرد.



رۆژنامەکە لە روونکردنەوەکەیدا رایگەیاند، تۆمەتبارکردنەکەی ”بەڕێز مەسعود بارزانی“ بەبێ بەڵگە بووە و رۆژنامەی ئەلوەتەن لێکۆڵینەوە لە سەرچاوەکانی ئەو ”هەڵەیە“ دەکات، کە بەبێ مەبەست رووی داوە.



دەقی داوای لێبووردنی رۆژنامەی ئەلوەتەن لە سەرۆک بارزانی




باسنیوز