بەڕێوەبەرایەتیی پۆلیسی هاتوچۆی گەرمیان، ئاماژە بەوە دەدات، کە بەهۆی رووداوێکی هاتوچۆ، پێنج کەس بوونە قوربانی.

ئەمڕۆ شەممە 27\7\2018، بەڕێوەبەرایەتیی پۆلیسی هاتوچۆی گەرمیان، لە راگەیاندراوێکدا، لە پەیجی تایبەتیی خۆی، لە تۆڕی کۆمەڵایەتیی (فەیسبووک)، بڵاوی کردووەتەوە، کە کاتژمێر 12:00 دوای نیوەڕۆ، ڕووداوێکی هاتوچۆدا لە جۆری وەرگەڕان لە سەر ڕێگای کەلار - سلێمانی لە بانی پێباز ڕووی دا.

بەڕێوەبەرایەتیی پۆلیسی هاتوچۆی گەرمیان، ئەوەشی خستە روو، کە ئۆتۆمبێلێک لە جۆری هۆندای سانتافی بە ئاڕاستەی کەلار هاتووە و وەرگەڕا، تێیدا پێنج کەس بریندار بوون.

ئاشکراشی کردووە، کە بریندارەکان شۆفێر و دوو ئافرەت و دوو منداڵ بوون، بۆ وەرگرتنی چارەسەر گەیەنرانە نەخۆشخانەی شەهید مەلا ئەحمد کەلاری، جێگای ئاماژەیە هەموویان لە یەک خێزانن و خەڵکی شارەبانن و لە نەتەوەی عەرەبن.









باسنيوز