جڤاتا روحانیا ئێزدیان: ههموو جهژن وههلكهڤتێن ئۆلى دێ پهرل ستگهها لالش هێنه گێران
خدر دێر خانهسۆرى، راوێژكارێ جڤاتا روحانیا یا ئێزدیان دیاركر: "پشتى گهنگهشهكا درێژ دناڤبهرا ئهندامیێن جڤاتا روحانی وزانایێن ئۆلا ئێزدیان هاتیه كرن، بریار هاته دان ههموو رێ و رهسمێن جهژن وههلكهڤتێن ئاینى یێن ئێزدیان ل پهرستگهها لالش بهێنه كرن بتایبهتى ژى گێرانا رێ ورهسمێن جهژنا چلێ هاڤینێ. دێ ل رۆژا 2/8/2018ێ ل پهرستگهها لالش دهست پێ كهن. ئهڤه دهمهكێ دایه بهرى چار سالان ژبهر هێرشا تیرۆرستێن داعش بۆ سهر دهڤهرا شنگال وگرتن وكوشتن ورهڤاندنا هزارهها كهسێن ئێزدى بریار هاتبوو دان رێ ورهسمێن جهژنا ژى بهێنه راگرتن. نۆكه جارهكا دی بریار هاته دان دهست ب گێرانا رێ ورهسمێن ئۆلی یێن جهژنێن ئێزدیا ل پهرستگهها لالش بهێته كرن".
خویا ژى كر: "ئهڤ سالە جهژنا چلێ هاڤینێ یا ههڤدهمه دگهل جینۆسایدا شنگال ژبهر ڤێ چهندێ بریار هاته دان ل ئێڤاریا 2/8/2018 ل پهرستگهها لالش رێ ورهسمێن ئۆلى بهێنه ساخكرن".
باسنيوز
