گرۆپه‌كی خۆبه‌خشێن كوردێن ئێزدی ژ هه‌ردوو ره‌گه‌زان ل ناوچه‌داریا سنوونێل قه‌زا شنگال، ده‌ست ب كه‌مپینا (بالیۆزێن هیڤیێ) بۆ ژێبرنا شوونوارێن تیرۆرستێن داعش نڤێسین لسه‌ر دیوار و جاده‌ و مال و فه‌رمانگه‌هێن حكومی كر.

ساهر میرزا، هه‌سكانی ئێك ژ ده‌ست پێشخه‌ر و ئه‌ندامێن ڤێكه‌مپینێ یه‌ خویا كر: ”ئه‌م كۆمه‌كا خۆبه‌خشان ژ (30) كچ و كوران ژ وێنه‌كێش و باشنڤیسان پێك دهێین، به‌ریا چه‌ند رۆژان ل ده‌ڤه‌را سنوونێده‌ست ب كه‌مپینا (بالیۆزێن هیڤیێ) كر و هه‌موو گوند و كۆمه‌لگه‌هێن شنگال ب خۆڤه‌ دگرت، ئه‌م پێكۆلێدكه‌ین هیڤیه‌كێ ل نك وه‌لاتی و زارۆیان و كۆمه‌لگه‌هێ ب گشتی په‌یدا بكه‌ین، ژ به‌ر كو ئه‌م دكارن ڤه‌گوهاستنه‌كێ ژ جهه‌كی بۆ ئێكی دی وه‌ك بالیۆزێن پیاده‌ بكه‌ین و ئارمانجا مه‌ ئه‌وه‌ چاندنا هیڤی و گرنژینێیه‌ ل سه‌ر دێمێن خه‌لكێ شنگالێ“.

زێده‌تر دبێژیت: ”ل ده‌ستپێكا كه‌مپینێ ئه‌م رابووین ب چێكرنا وێنه‌ و بۆیاغكرنا دیواران وه‌كو پێنگاڤا ئێكێیه‌. هنده‌ك پرۆژێن دی ل داهاتی هه‌نه‌ وه‌ك پاقژكرنا جاده‌یان و چاندنا داران ل گه‌له‌ك كۆمه‌لگه‌هێن شنگالێ“.

هه‌سكانی ئه‌و چه‌نده‌ ژی ئاشكه‌را كر، کو داخوازێ ژ حكومه‌ت و رێكخراوێن مرۆڤی دكه‌ین پشته‌ڤانیێ پێشكێشی مه‌ بكن دا كو لسه‌ر ڤێكه‌مپینێ دبه‌رده‌وامبین، هه‌روه‌سا ژ خێرخوازان ژی دخوازین ده‌ستێ هاریكاریێدرێژ بكه‌ن بۆ پشته‌ڤانیا كارێمه‌.









باسنيوز