ئه‌فسه‌ره‌كێ هاتن و چونا رێڤه‌به‌ریا هاتن و چونا قه‌زا ئامێدیێ، دیاركرن کو دره‌نگیا شڤێدى ل نێزیكى ئوڤه‌ر پاسا ده‌ڤه‌را (ئاشه‌وا) یا گوزارى، دوو ترۆمبێلان رویدانه‌كا هاتن و چوونێ دروستكریه‌ و د ئه‌نجام دا 9 كه‌س برینداربونه‌.

نه‌قیب رێبین جه‌میل ئه‌فسه‌ره‌كێ هاتن و چونا رێڤه‌به‌ریا هاتن و چونا قه‌زا ئامێدیێ دیاركرن: ”ل ئوڤه‌ر پاسا ئاشه‌وا یا گوزارى رویدان دناڤبه‌را دوو ترۆمبێلێن ژ جورێ (دهوك تایبه‌ت كرۆلا و ترۆمبێله‌كا ته‌كسى) دادروست بویه‌ و بێگومان ئه‌گه‌رێ رویدانێ نه‌ پێگریا رێنمایێن هاتن و چوونێ بویه‌“.

ناڤبرى گوت ژى: ”زیانه‌كا مه‌زن ب هه‌ردوو ترۆمبێلان كه‌فتیه‌ و (9) كه‌س ژ هه‌ردوو ترۆمبێلان بریندار بونه‌ و هاتنه‌ ره‌وانه‌كرن بو نه‌خوشخانا ته‌نگاڤیان ل ئامێدیێ و هه‌ردوو ترۆمبێل خه‌لكێ دهوكێ بخو نه“.







باسنيوز