ل پارێزگەها دهۆكێ 20 كۆمپانی دهێنە هەلوەشاندن
ژ ئەگەرێ قەیرانا دارایی و كێمبوونا كاری و گوهۆرینا رێنمایێن دامەزراندن و هەلوەشاندنا كۆمپانیان، 20 كۆمپانیێن دهۆكێ مۆلەتا خوە یا كاركرنێ هەلوەشاندیە
شێروان حیتۆ، رێڤەبەرێ كۆمپانیان ل پارێزگەها دهۆكێ، دیار كر، چەندین سالە هەلوەشاندنا كۆمپانیان یا ب زەحمەت بوویە و هەر كۆمپانیەكا ڤیابایە مۆلەتا خوە ب هەلوەشینیت، پێدڤی بوو 20 ملیۆن دینار وەكو رسۆمات خەرجكربانە، بەلێ ل گۆرەی مادێ 147 ژ قانوونا كۆمپانیان، هەر خودانێ كۆمپانیەكێ بڤێت كۆمپانیا خوە ب هەلوەشینیت ئاسانكاری بۆ هاتینە كرن و باجە ژی ل سەر هاتیە كێمكرن.
حیتۆ ئاماژە دا وێ چەندێ، پێش نها هەر كۆمپانیەكا حەزا هەلوەشاندنێ هەبایە، باجەكا مەزن ددا، بەلێ نها ئەو رێنمایە هاتینە گوهۆرین و پارەكێ كێم بەرامبەر هەلوەشاندنا كۆمپانیان دهێتە وەرگرتن.
رێڤەبەرێ كۆمپانیان ل پارێزگەها دهۆكێ ئەو یەك ژی دا زانین كو ل پارێزگەها دهۆكێ نێزیكی 3600 كۆمپانیێن تۆماركری هەنە و ژ بەر قەیرانا دارایی و نەمانا كاری، هند ژ وان حەزا هەلوەشاندنێ هەبوویە و نها پشتی كێمكرنا باجا هەلوەشاندنێ، دەست ب هەلوەشاندنا هندەك كۆمپانیان هاتیە كرن و گۆتیشی: ئەڤ سالە هەتا 55 كۆمپانیان ناڤێن خوە گوهورینە، هەروەسا 154 كەسان كۆمپانیێن خوە فرۆتینە و ل سەر ناڤێ خوە ڤەگۆهاستینە.
bas news-
