ئەندامێکی مەکتەبی ڕاگەیاندنی یەکێتیی نیشتمانیی کوردستان، ڕەخنەی توندی لە کۆمەڵی ئیسلامیی کوردستان گرت و بەوە تۆمەتباری کردن کە پێشتر لەگەڵ ڕێکخراوی تیرۆریستیی جوندولئیسلامدا ”خەڵکی یەکێتی“یان شەهید کردووە.

پاش ئەوەی کۆمەڵی ئیسلامیی کوردستان دەنگی بە یاسای بەرەنگاربوونەوەی تیرۆر نەدا، ئازاد تۆفیق، ئەندامی مەکتەبی ڕاگەیاندنی یەکێتیی نیشتمانیی کوردستان ڕايگەیاند: ”من خەڵکی هەڵەبجەم، تا ساڵی ٢٠٠٣ بۆ پرسەش لەبەر برادەرانی کۆمەڵی ئیسلامی نەمدەوێرا بگەڕێمەوە، ئێستاش کۆمەڵ باسی دادپەروەریی کۆمەڵایەتی و دیموکراسی و سەروەریی یاسا دەکەن“.

ئەوەشی ئاشکرا کرد کە ”جوندولئیسلام لەپاڵ کۆمەڵ“، لە خێڵی حەمە ”خەڵکی یەکێتییان شەهید کرد“ووە.

ئازاد تۆفیق نەیشاردەوە کە ”کۆمەڵێک لایەنی سیاسی هەن، پێش ئەوەی بە جەستە ئیرھاب بکەن، فیکر دەکەن، ئەوەش لە ئیرھابی جەستە خراپترە“.










باسنيوز