بەهۆی رووداوێکی هاتوچۆ، لەسەر رێگای خانەقین - کەلار، 10 کەس بوونە قوربانی.

ئەمڕۆ یەکشەممە 1\7\2018، بەڕێوەبەرایەتیی پۆلیسی هاتوچۆی گەرمیان، لە راگەیاندراوێکدا، لە پەیجی تایبەتیی خۆی، لە تۆڕی کۆمەڵایەتیی (فەیسبووک)، بڵاوی کردووەتەوە، کە بەیانی ئەمڕۆ لەسەر ڕێگای خانەقین - کەلار، نزیک گوندی شێرەوەن، ڕووداوێکی پێکدادان لەنێوان دوو ئۆتۆمبێل لەجۆرەکانی هۆندا و توێتا کرۆلا ڕووی دا.

بەڕێوەبەرایەتیی پۆلیسی هاتوچۆی گەرمیان، ئەوەشی خستووەتەڕوو، کە لەئەنجامدا هەردوو شۆفێر و هەشت سەرنشین برینداربوون، کە پێنج لەبریندارەکان منداڵن لەئێستا چارەسەری پێویست بۆ بریندارەکان کراوە.

ئەوەشی ئاشکرا کردووە، کە بەهۆی سەختی برینەکانیانەوە سێ لەبریندارەکان ڕەوانەی نەخۆشخانەی سلێمانی کراون و شۆفێری هەردوو ئۆتۆمبێلەکەش بەبڕیاری دادوەر، بەپێی مادەی 23ی هاتوچۆ ڕاگیراون.











باسنيوز