رێڤه‌به‌ریا پۆلیسێن دهۆكێ ئاگه‌هداریه‌كێ به‌لاڤ دكه‌ن و ئاشكرا دكه‌ن، كو هه‌ر كه‌سێ ئامیرێن په‌یوه‌ندى و تۆرێن جڤاكى شاش بكاربینیت دێ هێته‌ سزادان و گۆت: ئه‌ڤه‌ ده‌مه‌كه‌ هنده‌ك گه‌نجێن دهۆكێ ل سه‌ر تۆرێن جڤاكى گه‌فا ل ئێكدو دكه‌ن.

رائید هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ، د په‌یجێ خوه‌ یێ تۆرا كۆمه‌لایه‌تى یا (فەیسبووك)دا راگه‌هاند: ”گه‌فكرن و ته‌شهیركرن دناڤا تۆرێن جڤاكى دا ل پارێزگه‌ها دهۆكێ، به‌ره‌ڤ زێده‌بوونێ یه‌ و وه‌كو دیارده‌كێ لێ هاتیه‌ و هنده‌ك گه‌نج لایڤا ڤه‌دكه‌ن و كورته‌ ڤیدیۆڤا ڤه‌دكه‌ن و گه‌فا ل ئێكدو دكه‌ن و گۆت: ل دووڤ یاسایا ژماره‌ 6 یا سالا 2008، هه‌ر كه‌سێ ئامیرێن په‌یوه‌ندیكرنێ و ئه‌نترنێتێ و تۆرێن جڤاكى خه‌له‌ت بكاربینیت، دێ هێته‌ سزادان“.

زێده‌تر ئاشكرا كر، کو ل گۆره‌ى سزادانا وان سه‌رپیچكاران دێ هه‌ر ئێك شه‌ش هه‌تا پێنچ سالان هێته‌ زیندانكرن و ب كۆژمێ ملیۆنه‌ك هه‌تا پێنچ ملیۆن دیناران هێته‌ سزادان.

په‌یڤدارێ رێڤه‌به‌ریا پۆلیسێن پارێزگه‌ها دهۆكێ، خویاژى كر، كو هه‌ر كه‌سه‌ك یێ ئازاده‌ تۆرێن جڤاكى بكاربینیت، ب مه‌رجه‌كى زیانێ ب كه‌سێ نه‌گه‌هینیت و ژیانا كه‌سێ تێكنه‌ده‌ت.









باسنيوز