دەزگای خێرخوازیی بارزانی و رێکخراوێکی ئەڵمانی رێککەوتننامەیەک واژۆ دەکەن
بەپێی راگەیەندراوێکی دەزگای خێرخوازیی بارزانی، رێککەوتنەکە رۆژی شەممە 30/6/2018 لەنێوان کارزان نوری، بەرپرسی ئۆفیسی هەولێری دەزگای خێرخوازیی بارزانی و فرانک فرانکێ، سەرۆکی رێکخراوی (وینگس ئۆف هێڵپ)ی ئەڵمانی، واژۆ کراوە.
بەپێی راگەیەندراوەکە، رێککەوتنەکەی دەزگای خێرخوازیی بارزانی و رێکخراوی وینگس ئۆف هێڵپ لەبارەی میکانیزمی کۆکردنەوەی هاوکارییەکان لە وڵاتانی ئەوروپا و گەیاندنیان بە هەرێمی کوردستان و تا لەڕێگای دەزگای خێرخوازیی بارزانی دابەش بکرێ بەسەر ئاوارە و لێقەوماواندا.
هەروەک لە ماڵپەڕی فەرمیی دەزگای خێرخوازیی بارزانیدا هاتووە، ئەو دەزگایە ناحكومی، ناسیاسی و قازانجنەویستە، له ساڵی 2005 له ههولێری پایتهختی ههرێمی كوردستان دامهزراوه و مهسرور بارزانی، سهرۆكی بۆردی دهزگاکەیە و راستهوخۆ سهرپهرشتیی كارهكانی دەزگاکە دهكات.
دەقی راگەیەندراوەکەی دەزگای خێرخوازیی بارزانی:
دهزگای خێرخوازیی بارزانی و رێكخراوی وینگس ئۆف هێڵپی ئهڵمانی رێككهوتننامهیهكیان ئیمزاكرد
بهمهبهستی گهیاندنی كۆمهك و هاوكاری زیاتر بۆ ئاوارهو پهنابهران له ههرێمی كوردستانی عێراق و كۆكردنهوهی رایمهتی وڵاتانی ئهوروپی و دابهشكردنی هاوكارییهكان لهڕێگهی دهزگای خێرخوازیی بارزانییهوه بهسهر لێقهوماواندا، رێككهوتننامهیهكی لێكتێگهیشتن لهنێوان دهزگای خێرخوازیی بارزانی و رێكخراوی وینگس ئۆف هێڵپی ئهڵمانی ئیمزا دهكرێت.
رێككهوتی 30/6 رێكخراوی وینگس ئۆف هێڵپی ئهڵمانی به ئامادهبوونی فرانك فرانكێ سهرۆكی رێكخراوهكه و كارزان نوری بهرپرسی ئۆفیسی ههولێری دهزگای خێرخوازیی بارزانی رێككهوتننامهیهكی لێك تێگهیشتن لهبارهی میكانیزمی كۆكردنهوهی هاوكارییهكان له وڵاتانی ئهوروپا و گهیاندنیان به ههرێمی كوردستان ئیمزاكرا.
لهدهقی رێككهوتنهكهدا هاتووه: كه لایهنی یهكهم واته رێكخراوه ئهڵمانییهكه ههڵدهستێ به كۆكركردنهوهی كۆمهكی زیاتر له ئهڵمانیاو وڵاتانی ئهوروپی و گهیاندنی هاوكارییهكان بۆ عێراق لهڕێگای فڕۆكه یان وشكانی و دواتر لهلایهن دهزگای خێرخوازیی بارزانییهوه هاوكارییهكان دابهش دهكرێن.
بهپێی رێككهوتننامه هاوبهشهكه، دهزگای خێرخوازیی بارزانی پابهند دهبێت به دابینكردنی هاوكاری لۆجستی و دیاریكردنی ستافی دابهشكردن و ههڵبژاردنی سوودمهندان لهناو كهمپهكاندا. هاوكات ئهم رێككهوتنه تا كۆتایی ساڵی 2019 بهكاردێت لهگهڵ ئهگهری نوێكردنهوه بهرهزامهندی ههردوولا دهبێت.
شایهنی باسه رێكخراوی وینگس ئۆف هێڵپی ئهڵمانیا له رابردوودا چهندین كاروانی هاوكاری مرۆیی گهیاندۆته كوردستان و بههاوبهشی لهگهڵ دهزگای خێرخوازیی بارزانی بهسهر لێقهوماوان و ئاوارهو پهنابهراندا دابهشكراون.
باسنیوز
