تەرمێ ژنەكێ پشتی 5 رۆژان د مالێدا دهێتە دیتن
رائید هێمن سلێمان، پەیڤدارێ رێڤەبەریا پۆلیسێن پارێزگەها دهۆكێ دیار كر، ژنەكا كریستیان ب تنێ د شووقەیەكا زەری لاند دا دژیت و ئەڤە ماوێ پێنچ رۆژان بوو چو نیشانێن وێ ددیار نەبوون و دەرگەهێ وێ نەدهاتە ڤەكرن، پشتی هینگی ئاشكرا بوو كو ئەڤ ژنە ئەڤە نێزیكی 5 رۆژانە د شووقەیا خوە دا وەغەركریە و كەس ل گەل وێ ناژیت و كەس ژی ل سەر مرنا وێ نەهاتیە ئاگەهداركرن.
تەكەست كر كو ل شەڤا بۆری یا ئەینی ل سەر شەمبی، پۆلیس ل سەر ڤێ بوویەرێ هاتینە ئاگەهداركرن و تەڕمێ وێ ژنێ بۆ پزیشكیا داد هاتیە رەوانەكرن بۆ پشكنینێ و پشتی هینگی ئاشكرا بوویە كو ژ ئەگەرێ جەلتا دلی گیانێ خوە ژ دەست دایە و گۆتیشی: "هەتا نها ناڤ و ناسنامەیا ڤێ ژنێ نەهاتیە زانین و پەرێن ڤێ كێشێ بۆ ڤەكۆلینێ هاتینە ڤەكرن".
باسنیوز
