رێڤه‌به‌رێ كۆمپانیا گشتیا ده‌خل ودانى ل پارێزگه‌ها دهۆكێ راگه‌هاند، ل گۆره‌ى رێنمایێن حكومه‌تا عیراقێ، سایلۆیێن دهۆكێ مافێ هه‌ى ب تنێ 107 هزار ته‌نێن گه‌نمى وه‌ربگرن و ب ڤێ یه‌كێ ژى نێزیكى 35% ژ گه‌نمێ جۆتیارێن دهۆكێ ناهێته‌ وه‌رگرتن.



نازم محه‌مه‌د عه‌لى، دیار كر، جۆتیارێن پارێزگه‌ها دهۆكێ ئه‌ڤ ساله‌ رێژه‌یه‌كا مه‌زن یا گه‌نمى چاندنه‌، به‌لێ ل گۆره‌ى رێنمایێن وه‌زاره‌تا بازرگانیا عیراقێ ب تنێ 321 هزار ته‌نێن گه‌نمى دێ ژ جۆتیارێن هه‌رێما كوردستانێ هێته‌ وه‌رگرتن كو ژ ڤێ به‌هرێ 107 هزار ته‌نێن گه‌نمى به‌هرا دهۆكێ یه‌ و نها ده‌ست ب وه‌رگرتنا گه‌نمى هاتیه‌ كرن و گۆت: ل سایلۆیا فه‌یدیێ دێ 30 هزار ته‌نێن گه‌نمى هێنه‌ وه‌رگرتن و ل سایلۆیێن دى ژى نها ده‌ست ب وه‌رگرتنا گه‌نمى هاتیه‌ كرن.



ئاشكرا ژى كر كو سایلۆیێن دهۆكێ مافێ هه‌ى نێزیكى 35% ژ گه‌نمى جۆتیاران وه‌ربگرن و 65% ژ گه‌نمێ جۆتیارێن پارێزگه‌ها دهۆكێ ناهێته‌ وه‌رگرتن و گۆت: چه‌ندین ساله‌ بڕیارێن وه‌زاره‌تا بازرگانیا عیراقێ زیانێ ب جۆتیارێن هه‌رێما كوردستانێ دگه‌هینن و ڤێ بڕیارێ ژى زیانه‌كا مه‌زن ب جۆتیاران گه‌هاند و نها جۆتیار دێ ناچاربن گه‌نمێ خوه‌ ل بازارێ ئازاد بفرۆشن.

bas news-