به‌ڕێوه‌به‌رایه‌تیى پۆلیسی هاتوچۆى سۆران، له‌ رێگه‌ى تیمه‌كانى پۆلیسى هاتوچۆ له‌ سه‌ر شه‌قامه‌كانى شار و بازگه‌كانى سۆران، هه‌ڵمه‌تى لێكردنه‌وه‌ى په‌رده‌ و لەزگه‌ى جام ره‌شى ئۆتۆمبێلدا ئه‌نجام دا.



دلاوه‌ر له‌تیف، گوته‌بێژى به‌ڕێوه‌به‌رایه‌تیی پۆلیسى هاتوچۆى سۆران، راىگه‌یاند: ”له‌پێناو نه‌هێشتنى سه‌رپێچییه‌كانى هاتوچۆ و پابه‌ندكردنى شۆفێران، به‌ رێساو یاساكانى هاتوچۆ، ئه‌مڕۆ یه‌كشه‌ممه‌ 24/6/2018 له‌لایه‌ن تیمه‌كانمان له‌ شه‌قام و رێگا سه‌ره‌كییه‌كانى شارى سۆران و بازگه‌كان، هه‌ڵمه‌تى لێكردنه‌وه‌ى په‌رده ‌و له‌زگه‌ى جام ره‌شى ئۆتۆمبێله‌كان ده‌ستى پێكرد و چه‌ندین ئۆتۆمبێلى سه‌رپێچى كار كه‌تنه‌ ناو تیمەکانى پۆلیس“.



به‌ڕێوه‌به‌رایه‌تیی پۆلیسى هاتوچۆى سۆران، ئاشکراشی کرد، کە ئه‌م هه‌ڵمه‌ته‌ له‌ رۆژانى دواتریش به‌رده‌وام ده‌بێت و هیوادارن شۆفێران پابه‌ندى رێنماییه‌كانى هاتوچۆ بن و خۆیان له‌و جۆره‌ دیاردانه‌ به‌دوور بگرن، تا تووشى سزاى یاسایى هاتوچۆ نه‌بنه‌وه‌.









باسنیوز