كچهكا ئێزدى پشتى رزگاركرنێ زمانێ دایكێ ژبیركریه
خودێدا مستۆ، بابێ (مارتینایێ) دیار كر، کو ل سالا 2014 كچا وى د ژیێ 7 سالیێ دا كهفتبوو دهستێن داعش و هاتبوو رهڤاندن و ژ هینگى وهره مه چو زانیارى ل سهر كچا خوه نهبووینه، پشتى زانیارى بۆ مه هاتین كو كچا مه ل سوریا د مالهكێ دا دژیت، ئێكسهر ئهم چوویه و مه رزگاركر و پاره بهرامبهر رزگاركرنا وێ دانه خێزانهكا سۆرى.
خودێدا ئهو یهك ژى نه ڤهشارت كو تشتى سهیر ئهو بوویه پشتى كچا مه هاتیه رزگاركرن، زمانێ دایكێ ههموو ژبیركریه و هیچ پهیڤهكا كوردى نهمایه ل بیرێ و ب تنێ ب زمانێ عهرهبى ل گهل مه دئاخڤیت و گۆت: ”كچا مه ژیێ خوه یێ ل گهل داعش ههموو د مالهكا ئهمیرێ داعش دا بۆراندیه و توندوتیژى ل گهل هاتیه كرن و ئهڤه ژى بوویه ئهگهر كو زمانێ خوه یێ دایكێ ژبیر بكهت“.
خویاژى كر، هێشتا ههڤژینا من و دوو خۆشك و برایهكێ (مارتینایێ) كو زارۆیێن منن د دهستێ داعشێ دا ماینه و گۆت: ”ئهم هیڤی دكهین حكوومهت و خهلك ههموو دهاریكاربن بۆ هندێ ئهندامێن دى یێن خێزانا مه ژى بهێنه رزگاركرن“.
باسنيوز
