سەرۆکی جڤاتی نیشتمانی بزووتنەوەی گۆڕان، ڕای ده‌گه‌یه‌نێت، ئەگەر دەستکاری سندووقەکانی ده‌نگدان نه‌كرابێت، لەکاتی هەژمارکردنەوەی دەنگەکاندا گۆڕانکاری بەسەر ژماره‌ى کورسییەکانیاندا دێت.



لەبارەی هەژمارکردنەوەی دەنگەکان به‌ده‌ست و گوتەی بەرپرسانی یەکێتی بۆ زیادبوونی کورسیەکانیان لە سنووری سلێمانی.. جەمال محەمەد، سەرۆکی جڤاتی نشتمانی بزووتنەوەی گۆڕان ڕایگەیاند: ”بەدڵنیاییەوە ئەگەر دەستکاری سندووقەکان نەکرابێت گۆڕانکاری بەسەر ژماره‌ى کورسییەکانماندا دێت".


ئه‌و به‌رپرسه‌ى گۆڕان، جه‌ختیشی كرده‌وه‌، كه‌ لە هەموو کوردستان و بەتایبەت له‌ سنوورى بازنه‌ى هه‌ڵبژاردنى سلێمانی، سته‌م و دزیمان لێ کراوە.


هه‌روه‌ها گوتیشی: ”ئەوانەی دەڵێن گۆڕانکاری بەسەر دەنگەکانمان دێت و دەنگەکانمان زیاد دەکات، ئەگەر فڕو فێڵیان کردبێت و دەستکاری سندووقەکانیان کردبێت ئەوا ئەمە دەبێ، بەڵام گه‌ر دەستکاری سندووق نەکرابێت، ئەوە خەیاڵە“.










باسنیوز