گه‌نجه‌كێ پارێزگه‌ها دهۆكێ 3 ملیۆن دینار و ئایفۆنه‌ك و هنده‌ك به‌لگه‌نامه‌یێن خوه‌ د ته‌كسیه‌كێ دا به‌رزه‌دكه‌ت و پشتى هینگى شۆفێرێ ته‌كسیێ ب هاریكاریا پۆلیسێن پارێزگه‌ها دهۆكێ ئه‌و پاره‌ بۆ خودانى ڤه‌گه‌راندن.

رائید هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ دیار كر، كو گه‌نجه‌كێ پارێزگه‌ها دهۆكێ ب ناڤێ (به‌در) 3 ملیۆن دینار و مۆبایله‌كا ئایفۆن و پاسه‌پۆرت و چوار ناسنامه‌یێن خوه‌ هێلاینه‌ د ترۆمبێله‌كا ته‌كسى دا، پشتى هینگى شۆفێرى ته‌كسیێ ب ناڤێ (رێگر) ئه‌و پاره‌ دانه‌ ده‌ستێ پۆلیسێن نه‌هێلانا گونه‌هباریان و پشتى هینگى ب رێیا پۆلیسان بۆ خودانان ڤه‌گه‌راندن.

ئاشكرا ژى كر، كو باوه‌ریه‌كا مه‌زن نها ل دهۆكێ په‌یدابوویه‌ و به‌رى دوو رۆژان ژى گه‌نجه‌كى نێزیكى سێ ده‌فته‌ر و 75 وه‌ره‌قێن دۆلارى و ل گه‌ل 70 گۆرامێن زێرى ل ناڤا بازارى دیت بوون و ب رێیا پۆلیسان بۆ خودانى هاتنه‌ ڤه‌گه‌راندن.










باسنيوز