بەپێی ئەو هەواڵ و زانیارییانەی کە لە سەرچاوەکانی سنەوە گەیشتوون، ئەمڕۆ هێزە ئەمنییەکانی ئێران ڕێوشوێنێکی توندی ئەمنییان گرتووەتە بەر و هێزێکی زۆر لە شەقامەکان جێگیر کراون.

سەرچاوەکان باس لەوە دەکەن لە حاڵێكدا مەترسیی جێبەجێکردنی حوکمی سێدارەی ڕامین حوسێن‌پەناهی بەندکراوی کورد لە ئارا دایە، حکوومەتی ئێران کەش و دۆخێکی توندی ئەمنی و سەربازیی لە شەقام و کۆڵانەکانی سنە گرتووەتە بەر.

زانیارییەکان باس لەوە دەکەن کە ڕێگ سەرەکییەکان و دەروازەکانی سنە بە توندی لەژێر چاودێری و کۆنترۆڵ دان، لە گۆڕەپانی ئازادی (مەیان ئیقباڵ) سەقامی فیردەوسی، نەمەکی، دەورمەیدان و دەوروبەری گرتووخانەی انوەندیی سنە هێزیکی زۆر جێگر کراون.

سەرچاوە خۆجێیەکان باس لەوە دەکەن حکوومەت ترسی لە خۆپیشاندان و گردبوونەوەی ناڕەزایی خەڵک هەیە.










باسنيوز