خەلكێ‌ دەڤەرا جامبووری ل سەر ئاڤا بەنداڤا مووسل دبێژن سالێن شێستان ئەڤ پرا هاتبوو دروستكرن بتنێ ئەڤ رێكا هەبوو ناڤبەرا دهۆك و مووسلێ‌ دا نۆكە ژبەر كێمبوونا ئاڤا بەنداڤا مووسل جارەكا دی‌ پرا دهۆك ومووسل پێكڤە گرێددا، هاتە دیتن.

شڤان مەحمەد بەشیر، ئێك ژ خەلكێ‌ دەڤەرا جامبووری ل سەر بەنداڤا مووسلێ‌ دیاركر:" سالا 1985 دەمێ‌ ئاڤا بەنداڤا مووسل هاتیە زێدەكرن هەشت گوندێن دەڤەرا جامبوو سەر ناحیا فەیدیێ‌ ڤە بن ئاڤ بوون. ئەووژی گوندێ‌ جامبووری و باور سان ودێرهالا وگوندێ بگاك و گوندێ خەربل سالح وجەلۆقە عێنزا دگەل رووبەرەكی مەزن یێ‌ ئەردێ چاندنێ‌ یێ‌ ڤان گوندان نۆكە ژبەر كێمبوونا ئاڤا بەنداڤا مووسل هەموو گوند ژ بن ئاڤێ‌ دەركەڤتینە. نۆكە گوندێ عێنزا و جەلۆقە وباوەر سان ژ مەترسیا زێدەبوونا ئاڤێ‌ قورتال بووینە ئاڤ ناگەهتە ڤان هەر سێ‌ گوندان".

خویا ژی كر: "خەلك نەشێن قەستا سەر ڤان گوندان بكەن ژبەركو مەترسیا زێدەبوونا ئاڤێ‌ هەیە. نۆكە گەلەك خەلك قەستا سەر وێ‌ پرا كەڤنار دكەن ئەو سالێن شێستان دهۆك و مووسلێ‌ پێكڤە گرێ ددەت".









باسنيوز