ل مه‌ها نیسانا ئه‌ڤ ساله‌ رێڤه‌به‌ریا ئه‌وقافا ئێزدیان ل به‌غدا، ده‌ست ب ئاڤاكرنا 70 خانیان بۆ ژنێن ئێزدى یێن ژ ده‌ستێ داعش رزگاربوویی، ل دهۆكێ هاتیه‌ كرن و نها پرۆژه‌ ب رێژا 78% ب دووماهى هاتیه‌ و ل نێزیك ئه‌و خانى دێ ل سه‌ر وان ژنان هێنه‌ دابه‌شكرن.

شه‌مۆ قاسم، به‌رپرسێ پشكا ره‌وشه‌نبیرى و راگه‌هاندنێ ل بنگه‌هێ لالش ل پارێزگه‌ها دهۆكێ، دیار كر، ئه‌ڤ پرۆژه‌ یێ تایبه‌ت ب وان ژنان ڤه‌ ئه‌وێن ژ ده‌ستێ داعش رزگاربوونە و پرۆژه‌ ل قه‌زا شێخان ل نێزیك په‌رستگه‌ها لالش ل گوندێ شكه‌فتندیا تێ ئاڤاكرن و ژ 70 خانیان پێك دهێت و هه‌ر خانیه‌ك دوو ژوورێن نڤستنێ و ژووره‌كا روونشتنێ و لێنانگه‌هـ و ته‌والێتان بخۆڤه‌دگریت و ل گه‌ل فه‌رشكرن و دابینكرنا هه‌موو كه‌لۆپه‌لێن ناڤمالێ یێن كه‌هره‌بائى و موه‌لیده‌كێ كاره‌بێ و گۆت: دوو ملیار و 686 ملیۆن دینار ل ڤى پرۆژه‌ى هاتینه‌ مه‌زاختن.

به‌رپرسێ پشكا ره‌وشه‌نبیرى و راگه‌هاندنێ ل بنگه‌هێ لالش ل پارێزگه‌ها دهۆكێ، ئاشكرا ژى كر، كو نها رێژه‌یا ئه‌نجامدانا پرۆژه‌ى گه‌هشتیه‌ 78% و نها كار د دانانا ئامیرێن كه‌هره‌بائى دناڤ پرۆژه‌ى دا دهێته‌ كرن و پێشبینى دهێته‌ كرن ل مه‌ها بهێت ئه‌ڤ پرۆژه‌ ب داوى بهێت و خانى ل سه‌ر ژنێن ئێزدى یێن رزگاربووى ژ ده‌ستێ تیرۆرستێن داعش بهێنه‌ دابه‌شكرن.
ئەلبوومی وێنەکان





باسنیوز