بەڕێوەبەری راگەیاندنی بەڕێوەبەرایەتیی ئاوی سلێمانی رایدەگەیەنێت، کە دوو رێگای سەرەکیی چوونە ناو شارەکە، دەگیرێن.



ئامانج جەلال، بەڕێوەبەری راگەیاندنی بەڕێوەبەرایەتیی ئاوی سلێمانی لە راگەیەندراوێکدا، رایدەگەیەنێت، بەڕێوەبەرایەتییەکە کاری گواستنەوەی بۆیی ئاوی دوکان - قولەڕەیسی دەکات.



ئامانج جەلال هەروەها رایگەیاندووە، لە رۆژی شەممە 9/6/2018ـەوە بۆ ماوەی سێ رۆژ، رێگاکانی نزیک پێشانگای نێودەوڵەتیی سلێمانی و نزیک بازگەی سلێمانی/ پیرەمەگروون دادەخرێن، چونکە کاریان تێدا دەکرێت بۆ گواستنەوەی بۆرییەکە.



ئەو بەرپرسەی بەڕێوەبەرایەتیی ئاوی سلێمانی ئاگاداری شۆفێرانی کردووەتەوە، کە رێگایەکی لاوەکی بۆ تێپەڕبوونی شۆفێران لەو دوو ناوچەیە کراوەتەوە و پێویستە شۆفێران ”بە ئاگا بن و خێرایی ئۆتۆمبێلەکانیان کەم بکەنەوە، بۆ ئەوەی کارەساتی لێ نەکەوێتەوە“.






باسنیوز