رێڤه‌به‌رێ پۆلیسێن پارێزگه‌ها دهۆكێ راگه‌هاند، گه‌نجه‌كێ كورد ل وه‌لاتێ ئه‌لمانیا كچه‌كا ئه‌لمانى دكۆژیت و دره‌ڤیت دهێته‌ پارێزگه‌ها دهۆكێ، به‌لێ پشتى گه‌هشتنا وى بۆ دهۆكێ ب حه‌فت ده‌مژمێران هاتە ده‌سته‌سه‌ركرن.


لیوا تارق ئه‌حمه‌د رێڤه‌به‌رێ پۆلیسێن پارێزگه‌ها دهۆكێ دیار كر حكوومه‌تا ئه‌لمانیا ب رێیێن فه‌رمى وه‌زیرێ ناڤخۆ ل هه‌رێما كوردستانێ (كه‌ریم شنگالى) ئاگه‌هدار كریه‌ ل سه‌ر هندێ كو په‌نابه‌ره‌كێ كورد د ژیێ 24 سالیێ ل وه‌لاتێ ئه‌لمانیا كچه‌كا ئه‌لمانى د ژیێ 14 سالیێدا كۆشتیه‌ و هاتیه‌ هه‌رێما كوردستانێ و وه‌زیرێ ناڤخۆ زانیارى ل سه‌ر وى گه‌نجى دانه‌ مه‌ كو گه‌هشتیه‌ زاخۆ، پشتى بۆرینا حه‌فت ده‌مژمێران ئه‌م شیاین وى تاوانبارى ده‌سته‌سه‌ر بكه‌ین.


لیوا تارق ئاشكرا ژى كر كو سێ ئه‌فسه‌رێن نه‌هێلانا گۆنه‌هباریان ل زاخۆ ب ڤێ كێشێ هاتبوونه‌ راسپاردن و شیان ب زووترین ده‌م تاوانبارى ده‌سته‌سه‌ر بكه‌ن و دانپێدان ب تاوانا خوه‌كریه‌ و د دانپێدانێن خوه‌ دا تاوانبارى ئاشكرا كریه‌ كو ئه‌و ل گه‌ل وێ كچێ پێكڤه‌ چووینه‌ گه‌شته‌كێ و شه‌ر دناڤبه‌را وى و وێ كچێ دا چێبوویه‌ و وى ژى ئه‌و كچا ئه‌لمانى كۆشتیه‌.
bas news-