بەرپرسێکی وەزارەتی بازرگانی حکوومەتی هەرێمی کوردستان ئاشکرای کرد کە دوای جەژنی ڕەمەزان،دەست دەکرێت بە وەرگرتنی گەنمی جووتیاران.



نەوزاد ئەدهەم،بەڕێوەبەری گشتی دیوانی وەزارەتی بازرگانی بە (باسنیوز)ی ڕاگەیاند: "لەلایەن وەزارەتی بازرگانیی عێراقەوە ئاگادارکراوینەتەوە کە دوای جەژنی ڕەمەزان دەرگای سایلۆکان بە ڕووی جووتیاراندا دەکرێنەوەو بەرهەی گەنمیان لێوەدەگیردرێت".



گوتیشی: "بۆ ئەمساڵ سایلۆی هەولێر 100 هەزار تۆن و سنووری سلێمانی 115 هەزار تۆن و دهۆک 38 هەزا تۆن و مەخموور 128 هەزار تۆن وەردەگرێت".



سه‌باره‌ت به‌ نرخی وەرگرتن،نەوزد ئەدهەم ئاشکرای کرد یەک تۆن گەنمی پلەیەک بە 560 هەزار دینار و پلە دوو بە 480 هەزار دینارو پلە سێ بە 420 هەزار دینار وەردەگیردرێت.

ڕونیشیکردەوە بەهۆی ئـەوەی پاڵپشتی جووتیاران کەمبوەتەوە بۆیە ئەمساڵیش بەرهەمی جۆی جووتیاران وەرناگیرێت.






باسنیوز