بەرپرسی لیژنەی ئابووریی قایمقامیەتی سۆران، دەڵێت، لە مانگی ڕەمەزاندا توانیومانە تا رادەیەكی باش كۆنتڕۆلی بازاڕ بكەین، بەڵام بە شێویەكی گشتی نرخی هەندێ‌ لە كاڵاكان بەرز بوونەتەوە.

كازم شێروانی، بەرپرسی لیژنەی ئابووریی لەقایمقامیەتی سۆران، رایگەیاند، لەگەڵ هاتنی مانگی رەمەزان، چاودێرییەكانمان لە بازاڕو دووكانەكانەكاندا زیاتر كردووە و بەردەوام لیژنەكانمان سەردانی دووكان و فرۆشگە و شوێنە گشتییەكان و فرۆشیارانی ناو بازاڕ و سەر شەقامەكان دەكەن، بەمەش توانیومانە تا راددەیەكی باش كۆنتڕۆلی بازاڕ بكەین و تا ئێستاش دەست بەسەر چەندین كاڵا و خواردەمەنیی ماوە بەسەرچوودا داگیراوە و لەناو براون و چەندین شوێنیش داخراون و خاوەنەكانیان رووبەڕووی یاسا كراونەتەوە".

بەرپرسی لیژنەی ئابووریی لەقایمقامیەتی سۆران، گوتیشی: "تەنها ئەوەی بەدی دەكرێت، نرخی چەند جۆرە خواردەمەنی و میوە و مریشكی زیندوو لەو مانگەدا بەرز بووەتەوە، بەڵام كەس سكاڵای لەسەر ئەمە نەكردووە، ئەوەش تەنها لە سنوورەكەمان نییە، بەڵكوو لە زۆربەی شار و شارۆچكەكان بەدی دەكرێت، بەڵام ئەمەش بەو شێوە نییە و بە بەراورد بە رەمەزانی ساڵانی رابردوو توانراوە بە شێوەیەكی باش كۆنتڕۆلی بازاڕ بكرێت".










باسنیوز