ئێران ئاوی زێی بچووکی گرتووەتەوە، بەھۆیەوەش ھەزاران ماسیی نێو زێیەکە لەناو چوونە، ھەروەھا کێشە بۆ ئاوی خواردنەوەی دانیشتوانی قەڵادزێ دروست بووە.

ئەمڕۆ شەممە 2/6/2018، بەڕێوەبەرایەتیی گشتیی بەنداو و کۆگاکانی ئاو لە وەزارەتی کشتوکاڵ و سەرچاوەکانی ئاو، لە ڕوونکردنەوەیەکدا ڕای گەیاند: "ئێران بۆ دووەم جار ئاوی زێی بچووکی لەسەر ھەرێمی کوردستان گرتەوە، ئەگەرچی ئێستا کاتی گرتنەوەی ئاوەکە نییە".

ھەر بەھۆی گرتنەوەی ئاویش، ھەزاران ماسیی نێو زێیەکە لەناوچوونە، بەڕێوەبەرایەتیی گشتیی بەنداو و کۆگاکانی ئاو لە وەزارەتی کشتوکاڵ و سەرچاوەکانی ئاو، لە ڕوونکردنەوەکەدا ئاماژەی بەوەش کردووە: "بەھۆی گرتنەوەی ئاوی زێی بچووک لەلایەن کۆماری ئیسلامیی ئێرانەوە، کێشە بۆ ئاوی خواردنەوەی قەڵادزێ دروست بووە".
bas news -