سەرۆکێ دەستەیا بلندا بنگەھێ لالش یێ رەوشەنبیری و کۆمەلایەتی ل دھۆکێ دیارکر کو ئەڤرۆ ل کۆمەلگەھا بابیرێ رێ ورەسمێن ڤەکرنا مەزارگەھەک وشەش نێشانگەھێن ئێزدیان یێن دگەل مەزارگەھێ شەخسێ باتێ ھاتنە گێران ل بەر دەنگێ دەف وشبێبا و تێکستێن ئاینی.

شێخ شامۆ، سەرۆکێ دەستەیا بلندا بنگەھێ لالش یێ رەوشەنبیری و کۆمەلایەتی ل دھۆکێ دیارکر: "ئەڤ مەزارگەھێ ئێزدیان دگەل شەش نێشانگەھان ل سالا 2014ێ ژلایێ رێکخراوا تیرۆرستێن داعش ڤە ھاتبوونە پەقاندن خەلکێ کۆمەلگەھا بابیرێ نوکە جارەکا دێ ئەو مەزارگەە و شەش نێشانگەھێن دگەلدا چێکرینە ئەڤرۆ 1/6/2018 بەرھەڤیا جەماوەرکێ مەزن و بابا شێخ و جۆقەتا بابێ شێخ وپێاویێن ئاینێ و یھسپی ھاتە ڤەکرن ئەڤە دوو رامان دەت یا ئێکی نێشانا بەرخودان وئێرادا ئێزدیانە وئێزدی گرێدایی ئاخ وئاین و پیرۆزێن خوە نە ویا دی ژی نامەکا روو رەشی یە بۆ تیرۆرستێن داعش وئێزدیاتیی ھەر گەشبوونێ دایە".

خۆیا ژی کر: "ل بەر دەنگێ دەف وشبێبا وتێکستێن ئاینێ رێ ورەسمێن نوژەنکرن وھلێلکرنا قوبا مەزارگەھێ شەخسێ باتێ دگەل شەش نێشانگەھێن وێ ھاتنە گێران ب سەروەریا سەرۆک بارزانی وپێشمەرگەھی قەرەمان وچوو جاران ئێزدیاتیی ناھێنە ژناڤبرن".

ل سالا 2014 تیرۆرستێن داعش ل شنگال وباشێک وبەحزانی وبابیرێ 68 مەزارگەھیێن ئێزدیان پەقاندن نوکە پتریا مەزارگەھیێن ئێزدیان ھاتینە ئاڤاکرن ورێ ورەسمێن ئاینی تێدا دھێنە رێڤەبرن بتایبەتی ژی ل باشیکێ و بەحزانێ و کۆمەلگەھا بابیرێ.

bas news-